ABŞ prezidenti Donald Trampın qərarı nəticəsində, ABŞ, Kanada və Meksikada keçiriləcək bu ilki dünya futbol çempionatında azarkeşlərin dəstəyi olmadan futbol komandaları meydana çıxmaq məcburiyyətində qalacaq.

Qaynarinfo xəbər verir ki, bu barədə "The Independent" məlumat yayıb.

Qeyd olunur ki, viza verilməsinin dayandırılması oyunçular, rəsmi şəxslər və komanda üzvlərinin yaxın qohumlarına aid deyil. Lakin azarkeşlər üçün heç bir istisna nəzərdə tutulmayıb.

ABŞ prezidentinin bu qərarı, iki aparıcı Afrika futbol ölkəsinin - Seneqal və Kot-d’İvuar - azarkeşlərinin komandalarını stadionda dəstəkləmək ümidlərini pozub. Çünki dekabr ayında bu ölkələr ABŞ-a girişdə məhdudiyyət tətbiq olunan ölkələr siyahısına əlavə olunub. ABŞ və Kanada ilə birlikdə Meksika dünya çempionatına ev sahibliyi edəcək və turnir 11 iyun – 19 iyul 2026-cı il tarixlərində keçiriləcək.

Viza məhdudiyyətləri azarkeşlərdə böyük narahatlıq yaradıb. Hazırda bu ölkələrin azarkeşləri komandalarını Afrika Millətlər Kubokunda (Mərakeşdə) izləyirlər. ABŞ vizası ala bilməyənlər üçün yeni qaydalar faktiki olaraq ABŞ-a səyahəti mümkünsüz edir.

Bundan əlavə, dünya çempionatına vəsiqə qazanan İran və Haiti azarkeşlərinə də ABŞ-a giriş qadağan olunacaq; bu ölkələr viza məhdudiyyəti tətbiq olunan ilk siyahıya daxil edilib.

"Biz iştirak etmək istəyirik, amma necə edəcəyimizi bilmirik. İndi sadəcə gözləyirik, çempionat hələ başlamayıb, bəlkə fikir dəyişərlər. Bilmirik. Gözləyəcəyik", deyə senqallı azarkeşlər qrupu prezidentinin sözçüsü Fatu Diyedxiu bildirib.

Məqalədə qeyd olunur ki, Afrika Kubokunun yarımfinalına çıxmış Seneqal dünya çempionatında ilk oyununu 16 iyun tarixində Nyu-Cersi ştatındakı MetLife stadionunda Fransa ilə keçirəcək, dörd gün sonra isə eyni stadionda Norveçlə qarşılaşacaq.

Kot-d’İvuar da ABŞ-da iki oyuna çıxacaq: Ekvador və Kuraso.

Beləliklə, Senegal və Kot-d’İvuar yalnız ABŞ-da qanuni rezident olan, vizası olan və ya viza qadağasına daxil olmayan ölkələrin vətəndaşları olan azarkeşlərin məhdud dəstəyi ilə oynamaq perspektivi ilə üzləşir.

ABŞ 75 ölkənin, o cümlədən Rusiya vətəndaşlarının miqrasiya vizalarının verilməsini dayandırır. ABŞ Dövlət Departamentinin açıqlamasına görə, bu, miqrantların sui-istifadəsinin və qanunsuz miqrasiyanın qarşısını almaq məqsədi daşıyır. 75 ölkədən gələn immiqrasiya müvəqqəti dayandırılacaq, Dövlət Departamenti isə sosial yardım və dövlət ödənişlərindən istifadə edən xarici vətəndaşların ABŞ-a girişinin qarşısını almaq üçün miqrasiya sənədlərinin işlənməsi prosedurlarını nəzərdən keçirəcək.

2025-ci ilin noyabrında Dövlət Departamenti konsulluqlara vizaya müraciət edənlərin yoxlanılması üzrə yeni qaydaları tətbiq etmələri barədə göstəriş göndərmişdi. Xüsusilə, maliyyə vəziyyəti və ya sağlamlıq vəziyyətinə görə ABŞ-a daxil olduqdan sonra sosial yardıma ehtiyac göstərə biləcək müraciətçilərə viza verilməməsi tapşırılmışdı.

Aydın